Helsestasjon (0-5 år)
Beskrivelse
Oppretta: 13.07.2010 – Sist oppdatert 20.08.2017
Har du nettopp fått barn, eller har barn opp til skolealder, får du tilbod om oppfølging av barnet på helsestasjonen. Dette er eit helsefremjande og førebyggjande tilbod frå kommunen.
Helsestasjonen gir mellom anna tilbod om:
- heimebesøk til nyfødde
- ammerettleiing
- regelmessige helseundersøkingar av barnet utført av helsesøster og lege. Vekt og lengde blir registrerte og utviklinga og trivnaden til barnet blir vurdert.
- rettleiing og rådgiving om f.eks. søvn, mat, samspel og åtferd hos barnet.
- vaksinasjon av barnet i tråd med vaksinasjonsprogrammet
- tilvising til andre kommunale tenester eller spesialistar ved behov
- barseltreff for mødrer med nyfødde barn
OBS! Ved akutt sjukdom tar du kontakt med fastlegen til barnet.
Målgruppe
Alle barn i aldersgruppa 0-5 år, både eigenfødde og adoptivbarn, og deira foreldre.
Lover
Helse- og omsorgstenestelova § 3-2 (Kommunen sitt ansvar for helse- og omsorgstenester)
Rettleiing
Når du har fått barn, vil helsestasjonen ta kontakt med deg og avtale tid for enten heimebesøk eller oppfølging på helsestasjonen. Du vil få innkalling til vaksinasjonar og regelmessige kontrollar av barnet.
Klage
Har du ikkje fått nødvendig hjelp eller er misnøgd med korleis tenesta er utført, kan du klage. Forklar kva du er misnøgd med og kva for endringar du ønskjer. Send klagen til kommunen eller direkte til helsestasjonen. Dersom klagen blir avvist, eller kommunen meiner at rettane dine er oppfylte, vil dei sende klagen vidare til Fylkesmannen.
Anna informasjon
Om Fitjar Helsestasjon
Adresse: Gamle Havnavegen 23 (i Havnahuset)
Ope måndag - fredag kl.08.30 - 15.00 (med atterhald om endringar)
Kontaktinformasjon
Leiande helsesøster: Linn Therese
Tlf.: 915 24832. E-post: liol@fitjar.kommune.no
Jordmor: Annbjørg
Tlf: 534 58609 (tysdag og torsdag). E-post: antv@fitjar.kommune.no
Helsesøster: Kristine
Tlf: 534 58607. E-post: krbj@fitjar.kommune.no
Helsesøster: Bjørg
Tlf: 534 58608
Tilbodet på Helsestasjonen
På helsestasjonen kan du få råd og støtte i spørsmål knytta til barnet si vekst, utvikling og trivsel. Dette innebær barnet sine fysiske, psykiske og sosiale behov.
Det vert arrangert barselgrupper på helsestasjonen.
Helsestasjonen kan også gi tilbod om samtale og foreldrerettleiing.
Helsestasjon for born frå 0 til 5 år
Alle foreldre som ventar barn, eller som har spedbarn eller småbarn opp til skulealder, er velkomne til Helsestasjon for born frå 0 til 5 år. Ein treng ikkje ha "spesielle" problem eller vanskar for å ta kontakt med helsestasjonen. Me vil gjerne ha kontakt med alle barnefamiliar, og ser gjerne at dei som ikkje allereie har kontakt med oss, tek kontakt.
Kven møter du på helsestasjonen?
På helsestasjonen jobbar lege, helsesøster og jordmor. I tillegg kan du treffe fysioterapeut og tannpleiar etter spesiell avtale.
Målsetjing
Å førebyggja medfødte og erverva sjukdomar.
Målgruppe
Familiar med sped- og småbarn 0-5 år. Gravide (sjå jordmortenesta).
Vilkår
Helsestasjonstilbodet 0-5 år er gratis. Det er frivillig å nytte tenestetilbod v/helsestasjonen.
Alle tenester ved helsestasjonen byggjer på låg terskel (det skal vere lett å få kontakt med oss). Me driv førebyggjing, ikkje behandling (behandling er fastlegen si oppgåve). Er du i tvil, ta kontakt.
Om tinging av time
Det er timetinging for faste kontrollar ved helsestasjonane. Me set stor pris på at du avbestiller timen dersom du og barnet ikkje kan møta.
Pris:
Tenesta er gratis.
Relatert informasjon på andre nettstader
www.helsetilsynet.no - Uavhengig tilsynsmyndighet for helse- og sosialtenester
www.fylkesmannen.no - Tilsynsmyndighet for helsetenesta og helsepersonell
www.odin.no - Informasjon frå regjeringa og departementa
www.folkehelsa.no - Nasjonalt folkehelseinstitutt
www.fhi.no - Folkehelseinstituttet
