Hopp til innhold Hopp til søk

Tid for å søkje plass i kulturskulen

Oppretta: 25.03.2015 – Sist oppdatert 21.03.2016

Det er no tid for å søkje plass i kulturskulen. 

Fitjar kulturskule vil frå august 2016 tilby undervisning i:

  • Song (frå 3. trinn)
  • Drama/teater (frå 5. trinn)
  • El-bass (frå 3. trinn)
  • Piano (frå 1.trinn)
  • Gitar (frå 3. trinn)
  • Slagverk (frå 2. trinn)
  • Fiolin (frå 1- trinn)
  • Tverrfløyte (frå 2. trinn)
  • Dans (frå 4. år)  
  • Band(frå 5. trinn)
  • Messingblåseinstrument(aspirantopplæring, Fitjar skulekorps), frå 3. klasse.
  • Tilrettelagt undervisning(elevar med særskilde behov)
  • Visuelle kunstfag (frå 5. trinn)

Søk plass her

Opptak av nye elevar vert gjort i slutten av mai.

Undervisning går føre på ettermiddagstid, og det meste av undervisninga er lagt til Rimbareid barne - og  ungdomsskule.

Undervisning er lagt til ettermiddagstid. Song og instrumentalundervisning er ved Rimbareid barne- og ungdomsskule, visuelle kunstfag held til i Klokkargarden ved Rimbareid barne- og ungdomsskule og dans- og dramaundervising føregår i Fitjar kultur og idrettsbygg. Fitjar skulekorps held og til i Fitjar kultur og idrettsbygg.

ELEVAVGIFT: Elevavgifta er kr 2946,- pr. år. Avgifta vert betalt forskotsvis ein gong pr. semester(kr 1473). Elevar kan ha meir enn ein elevplass, men skal då betale avgift for kvart nytt fag etter same modell som for syskenmoderasjons- ordninga.

Fitjar kulturskule har slik  syskenmoderasjonsordning: 30% reduksjon for elevplass 2 eller fleire.

OPPSEIINGSFRISTAR:Elevar må binda seg for minst eit halvt år: Dersom eleven ynskjer å slutte i Fitjar kulturskule skal utmelding føregå via eige skjema. Link til dette skjemaet finn de på Fitjar kulturskule si heimeside. Elevar som sluttar ved nyttår må seia opp plassen innan 1. desember. Elevar som sluttar til sommarferien må seia opp plassen innan 15. mai. Om desse fristane ikkje vert overhaldne, må ein betale elevavgift for det etterfølgjande semesteret, uansett om plassen vert nytta eller ikkje.

RE-REGISTRERING: Nytt av året er at alle elevar i Fitjar kulturskule må re-registrere seg innan 01. mai for å behalde elevplassen eller plass på venteliste. Alle som er registrerte som elevar i Fitjar kulturskule eller står på venteliste vil motta informasjon om korleis dette skal føregå i god tid før fristen 01. mai.

LEIGE AV INSTRUMENT: Kulturskulen har tverrfløyter og fiolinar til leige. Leigeprisen er kr 300 ved fyrste års leige og kr 400 ved andre (eller fleire) års leige. Instrument til aspirantopplæringa vert lånt hjå Fitjar skulekorps(Det er ikkje mogleg å leiga gitar, ukulele, piano, keyboard eller slagverk).

Søknadsfrist er 1. mai 2016.

Utvida frist for aspirant/messingundervisning 1. juni 2016.

Les meir

Turistinformasjon

Kamera

Hjelp oss og bli betre

PAPIR

Oppretta: 28.01.2009 – Sist oppdatert 25.03.2014

Kulturskulen starta 2009 med å invitera kunstnaren/designaren Jørund Fjøsne til å gjennomføra eit kunstprosjet for elevane våre. Alle kulturskulen sine elevar som går på 5 og 6 trinn fekk tilbod om å vera med.

Elevane var samla i kultursalen onsdag og torsdag i veke 3 og arbeidde med papir. Jørund tok elevane inn i ei "anna verd" der dei fekk leika seg med papir, tegna, improvisera musikk og rørsle. Alt dette med utgangspunkt i heilt nyskriven musikk av Knut Vaage. I løp av prosjektet laga elevane ein flott skulptur som nå står utstilt ifoajeen i kultur og idrettsbygget. Elevane var særs nøgde med prosjektet - og spørsmålet var: får me vera med på dette ei anna gong og? Tusen tusen takk til Jørund som ville samarbeida med oss!

 

Du kan lesa meir om prosjektet på: http://www.fitjarposten.no/artikkel/3294_kjekk-prosess-og-spennande-resultat

Alle foto: Helga Rimmereid

Kontakt oss